lionshemja

रास्वपाका गण्डकी प्रदेशका नवनिर्वाचित सभापति नवीन त्रिपाठीलाई लायन्स क्लब अफ पोखरा हेमजाद्वारा सम्मान

3 days ago Samaya Dristi Comments Off on रास्वपाका गण्डकी प्रदेशका नवनिर्वाचित सभापति नवीन त्रिपाठीलाई लायन्स क्लब अफ पोखरा हेमजाद्वारा सम्मान

पोखरा, असार १ राष्ट्रिय स्वतन्त्र पार्टी रास्वपा को प्रथम गण्डकी प्रदेश अधिवेशनबाट निर्वाचित प्रदेश सभापति नवीन त्रिपाठीलाई लायन्स क्लब अफ पोखरा हेमजाले सम्मानपत्र सहित सम्मान गरेको छ। क्लबद्वारा आयोजित विशेष कार्यक्रममा त्रिपाठीको नेतृत्व क्षमता, सामाजिक सक्रियता तथा सार्वजनिक जीवनमा पुर्‍याएको योगदानको उच्च मूल्याङ्कन गर्दै सम्मान प्रदान गरिएको हो। त्रिपाठी लायन्स क्लब अफ पोखरा हेम्जाका निर्देशक थप समाचार

गौरीशंकर क्याम्पसलाई लायन्स हेमजाको सहयोग

9 months ago Samaya Dristi Comments Off on गौरीशंकर क्याम्पसलाई लायन्स हेमजाको सहयोग

पोखरा, ४ असोज लायन्स क्लब अफ पोखरा हेमजाले गौरीशंकर बहुमुखी क्याम्पसलाई ५ थान कम्प्युटर टेबुल सहयोग गरेको छ । क्याम्पस संचालक समिति अध्यक्ष देवकृष्ण पौडेलले सहयोगप्रति धन्यवाद दिँदै सबैको सदाशयताले क्याम्पस संचालन भइरहेको औँल्याए । उनले शिक्षाको महत्वमाथि प्रकाश पार्दै शिक्षाबिनाको जीवन अन्धकारमय हुने धारणा राखे । क्याम्पस प्रमुख कृष्णप्रसाद पौडेलले विश्वविद्यालय अनुदान आयोगबाट प्राप्त थप समाचार

खानेपानी ट्यांकी हस्तान्तरण सम्पन्न

10 months ago Samaya Dristi Comments Off on खानेपानी ट्यांकी हस्तान्तरण सम्पन्न

पोखरा, १२ भदौ । पोखरा २५, गौरीशंकर बहुमुखी क्याम्पसमा एक कार्यक्रम बिच खानेपानी ट्याङ्की हस्तान्तरण गरिएको छ । लायन्स क्लब अफ पोखरा हेमजाको आयोजना, लायन्स क्लब पोखरा अन्नपूर्ण संयोजन एवं द रोमजी स्कुल यूकेको सहयोगमा निर्माण भएकोे ट्याङ्कीको कुल लागत २ लाख ५० हजार रहेको छ ।खानेपानी ट्याङ्कीको हस्तान्तरण प्रमुख अतिथि लायन्स इन्टरनेशनल ३२५ जे थप समाचार

आजको खबर

रमाइलो दृश्य अस्तामको(फोटो फिचर)

आज असार को २ गते खुलेको मौसम, सुनौलो बिहान र हिमालको अद्भुत मुस्कान—माछापुच्छ«े गाउँपालिका अन्तरगत अस्ताममा रहेको अन्नपूर्ण इको भिलेज(Annapurna Eco Village) बाट देखिएको प्रकृतिको अनुपम दृश्य फोटोः बिश्व अधिकारी
रास्वपाका गण्डकी प्रदेशका नवनिर्वाचित सभापति नवीन त्रिपाठीलाई लायन्स क्लब अफ पोखरा हेमजाद्वारा सम्मान

पोखरा, असार १ राष्ट्रिय स्वतन्त्र पार्टी रास्वपा को प्रथम गण्डकी प्रदेश अधिवेशनबाट निर्वाचित प्रदेश सभापति नवीन त्रिपाठीलाई लायन्स क्लब अफ पोखरा हेमजाले सम्मानपत्र सहित सम्मान गरेको छ। क्लबद्वारा आयोजित विशेष कार्यक्रममा त्रिपाठीको नेतृत्व क्षमता, सामाजिक सक्रियता तथा सार्वजनिक जीवनमा पुर्‍याएको योगदानको उच्च मूल्याङ्कन गर्दै सम्मान प्रदान गरिएको हो। त्रिपाठी लायन्स क्लब अफ पोखरा हेम्जाका निर्देशक समेत हुन्। सम्मान ग्रहण गर्दै त्रिपाठीले प्राप्त सम्मानले आफूलाई थप जिम्मेवार र प्रेरित बनाएको बताउँदै समाज र राष्ट्रप्रतिको सेवामा निरन्तर समर्पित रहने प्रतिबद्धता व्यक्त गरे। उनले लायन्स क्लबसँगको मित्रता, सहकार्य र सामाजिक सम्बन्ध आगामी दिनमा अझ सुदृढ बन्दै जाने विश्वास व्यक्त गरे। उक्त अवसरमा क्लबका सचिव लायन कृष्णमान श्रेष्ठ तथा लियो लायन मनोज त्रिपाठीको जन्मदिनको अवसरमा विशेष शुभकामना आदान–प्रदान कार्यक्रम समेत सम्पन्न गरिएको थियो। कार्यक्रममा लायन्स वर्ष २०२५/२६ का अध्यक्ष लायन दुर्गा प्रसाद पौडेल, संस्थापक अध्यक्ष लायन तीर्थबहादुर थापा, निवर्तमान अध्यक्ष ला। सन्तमान श्रेष्ठ, प्रथम उपाध्यक्ष ला। सुरेश कुमार श्रेष्ठ, पूर्व अध्यक्ष ला। नवराज त्रिपाठी तथा लियो लायन विष्णुप्रसाद दाहालले शुभकामना मन्तव्य व्यक्त गर्दै सम्मानित व्यक्तित्वको सफल कार्यकाल र सामाजिक योगदानको प्रशंसा गरेका थिए। कार्यक्रममा क्लबका पूर्व अध्यक्षहरू, पदाधिकारी, सदस्य तथा विभिन्न क्षेत्रका व्यक्तित्वहरूको उल्लेखनीय सहभागिता रहेको थियो। सहभागीहरूले सम्मानित ला। नवीन त्रिपाठी, सचिव ला। कृष्णमान श्रेष्ठ तथा लियो लायन मनोज त्रिपाठीलाई उज्ज्वल भविष्य, उत्तरोत्तर प्रगति र सफल जीवनको शुभकामना व्यक्त गरेका थिए।
राष्ट्रिय स्वतन्त्र पार्टी रास्वपा गण्डकीको नयाँ समिति

पोखरा । राष्ट्रिय स्वतन्त्र पार्टी रास्वपा गण्डकी प्रदेशको प्रथम अधिवेशनबाट नवीन त्रिपाठी सभापत्वमा नयाँ समिति तयार भएको छ । शुक्रबार राति अबेर भएको मतदानमा अरु ३ उम्मेदवारलाई पछि पार्दै त्रिपाठी विजयी भएका थिए । पहिलो चरणमै ५० प्रतिशत मत ल्याएर त्रिपाठी विजयी भएका हुन् । अध्यक्षका लागि नवलपुरका राजन गौतम, माधवप्रसाद कँडेल र हरिबहादुर कार्की पनि चुनावी मैदानमा थिए । पहिलो चरणको निर्वाचनबाट निर्वाचित सदस्यहरु मध्येबाट पदाधिकारीहरु निर्विरोध निर्वाचित भएका छन् । रास्वपा गण्डकीको उपसभापतिमा बागलुङकी मिना शर्मा आचार्य, महामन्त्रीमा कास्कीका कृष्णप्रसाल लम्साल, सहमहामन्त्रीमा तनहुँका शंकर पन्त र नवलपुरकी सिताकुमारी अर्याल निर्विरोध भएको उनले जानकारी दिए । ‘पदाधिकारीमा एउटा पदमा एक जनाको मात्र नाम परेपछि निर्वाचन समितिले निर्विरोध निर्वाचित घोषणा गरेको हो,’ उनले भने । कोषाध्यक्ष कार्यसमितिले मनोनीत गरिनेछ । रास्वपाको विधान अनुसार पहिलो चरणमा निर्वाचित सदस्यहरु मध्येबाट पदाधिकारी मनोनय दर्ता गर्ने प्रावधान छ । सोही अनुसार शनिबार पहिलो चरणको निर्वाचनबाट निर्वाचित ३३ सदस्यबाट पदाधिकारी निर्विरोध भएका हुन् । यदि एउटा पदमा २ वा २ भन्दा बढि उम्मेदवारी परेमा पुनः दोस्रो चरणको निर्वाचन गर्नुपर्थ्यो । दोस्रो चरणको निर्वाचनमा पनि सबै गण्डकीका प्रतिनिधि ७ सय ८० प्रतिनिधिले मतदान गर्नुपर्थ्यो । निर्वाचन नगरी गण्डकीको पदाधिकारीमा सर्वसम्मत गरिएको एक नेताले बताए । उक्त कार्यसमितिले पछि ४ जना सदस्य मनोनीत गर्न पाउने विधानमा व्यवस्था छ ।
काठमाडौँ मा एआई (AI) सम्बन्धी एक दिने कार्यशाला सम्पन्न

काठमाडौँ, ३१ जेठ। काठमाडौँ फोटोग्राफर संघ काठमाडौंको आयोजनामा शनिबार जेठ ३० गते Upgrade Your Skill With AI तपाईंको अर्को पाइला , फोटो र भिडियो यहाँबाट सुरु हुन्छ भन्ने मुख्य नाराका साथ एक दिने विशेष कार्यशाला भव्यताका साथ सम्पन्न भएको छ। नेपाल चलचित्र बिकास बोर्ड, ईन्टरनेशनल फिल्म फेस्टिबल समेतका प्रशिक्षक रहनु भएका ए आाई प्रशिक्षक श्री मौसम पुरीले प्रशिक्षण दिनु भएको उक्त कार्यशालाको समुद्घाटन काठमाण्डौ फोटोग्राफर संघका अध्यक्ष आनन्दप्रभाकर धिमिरे, निबर्तमान अध्यक्ष हरि प्रसाद घिमिरे पुर्व अध्यक्ष द्वय बालकृष्ण श्रेष्ठ तथा मोतिबहादुर बोगटी, प्रशिक्षक मौसम पुरी लगाएत कार्यक्रम संयोजक सुजन तिमिल्सिनाले संयुक्त रुपमा गर्नु भएको थियो । वसुन्धरास्थित दियालो फुडल्याण्डमा आयोजना गरिएको उक्त कार्यशालामा काठमाडौँ र वरपर क्षेत्रका डिजिटल प्रविधि, फोटोग्राफी र भिडियोग्राफी क्षेत्रमा क्रियाशिल व्यावसायिक फोटोग्राफरहरूको उत्साहजनक सहभागिता रहेको थियो। बिहान १०ः०० बजेदेखि बेलुका ५ः०० बजेसम्म चलेको उक्त प्रशिक्षण कार्यक्रममा पछिल्लो समय प्रविधि क्षेत्रमा भित्रिएको आर्टिफिसियल इन्टेलिजेन्स AI लाई फोटो तथा भिडियो सम्पादन (Editing) मा कसरी व्यावसायिक रूपमा प्रयोग गर्ने भन्नेबारे विस्तृत प्रशिक्षण दिइएको थियो। कार्यक्रममा सहभागीहरूलाई एआई प्रविधिको प्रयोग गरेर कामको गति बढाउने, गुणस्तर सुधार्ने र नयाँ डिजिटल ट्रेन्ड अनुसार आफूलाई परिमार्जित गर्ने व्यावहारिक सीपहरू सिकाइएको थियो। फोटोग्राफी र भिडियोग्राफी विधामा एआईको बढ्दो प्रभाव र यसले सिर्जना गरेका नयाँ अवसरहरूका विषयमा केन्द्रित रहँदै प्रशिक्षकले आफ्ना अनुभव र प्राविधिक ज्ञान साझा गर्नुभएको थियो। कार्यक्रममा फोटो कन्सन नेपाल तथा सिबराम ट्रेडिङ कम्पनी (STC) बाट सहयोग प्राप्त भएको थियो । यसै सन्दर्भमा फोटो कन्सनका निर्देशक दिनेशराज अर्यालले सम्पुर्ण सहभागिहरुलाई निस्शुल्क फोटो बुक लगाएतको हात खालि नजाने कुपन, काठमाण्डौ फोटोग्राफर संघका सदस्यहरुलाई आजकै मितिबाट फोटो बुकमा रू ५०० छुट साथै साउन १ गतेबाट फ्रि डेलिभरीको सुबिधा दिने समेत घोषणा गर्नु भएको थियो काठमाडौँ फोटोग्राफर संघ ले स्थापनाकालदेखि नै आफ्ना सदस्य तथा समग्र फोटोग्राफी क्षेत्रको पेसागत दक्षता अभिवृद्धिका लागि विभिन्न समयमा यस्ता सीपमूलक तालिम तथा कार्यशालाहरू आयोजना गर्दै आइरहेको छ। हिजो सम्पन्न कार्यशालाले पनि सहभागी फोटोग्राफर तथा भिडियो सम्पादकहरूलाई नयाँ प्रविधिसँग अभ्यस्त हुन र आफ्नो व्यवसायलाई डिजिटल युग सुहाउँदो बनाउन ठूलो मद्दत पुर्‍याएको संघले विश्वास लिएको छ।

Breaking News

Samaya Dristi

Best News Site from Nepal

Main Menu