himal

आहा कति राम्रो

1 year ago Samaya Dristi 0

पोखरा बाग्लुङ्ग जोड्ने मध्यपहाडी लोकमार्ग अन्तरगत हेम्जा खण्ड ,धान फल्ने खेतमा घर फलिरहेका हेर्दै माछापच्छ«े खुलेर हासेको छ ।तस्विरः दुर्गा प्रसाद पौडेल थप समाचार

आजको खबर

नेपाल व्यापार तथा सम्वद्ध श्रमीक संघको दोश्रो अधिवेशन

कमल पौडेल अथक पोखरा १०, फागुन नेपाल व्यापार तथा सम्वद्ध श्रमीक संघको दोश्रो अधिवेशनले लालप्रसाद ढकालको अध्यक्षतामा नयाँ समिति चयन गरेको छ । समितिको उपाध्यक्षमा लेखनाथ पौडेल, महिला उपाध्यक्षमा अञ्जना गुरुङ, सचिवमा गणेशवहादुर कार्की, सहसचिवमा लक्ष्मी वास्तोला, कोषाध्यक्षमा सुरेशकुमार श्रेष्ठ चयन भएका छन् । त्यसैगरी सदस्यहरुमा खेमराज पौडेल, हरि रानाभाट र नोदराज ढकाल चयन भएका छन् । नेपाल ट्रेड युनियन कांग्रेस कास्कीका निवर्तमान अध्यक्ष कुलदेवी वरालको संयोजक तथा कमल पौडेल अथक र सचिव रुद्र तिमिल्सिना रहेको निर्वाचन समितिले नयाँ कार्यसमिति निर्वाचित गरेको हो । यसअघि अधिबेशनको उद्घाटन गर्दे नेपाल ट्रेड युनियन काग्रेस गण्डकी प्रदेश अध्यक्ष मुरारी शर्माले व्यापारी साथीहरु आफ्नो हकहितको लागि युनियनमा आवद्ध हुनु सकारात्मक भएको वताए । नेपाली कांग्रेस पोखरा महानगरसमिति सभापति सुरेन्द्रमान विजुक्छेले व्यवसायको अलावा राजनीतिक आस्था प्रकट गर्नु व्यवसायीको सवलीकरण भएको वताए । संघका अध्यक्ष रामप्रसाद कँडेलको अध्यक्षतामा भएको कार्यक्रममा नेपाल ट्रेड युनियन कांग्रेस केन्द्रीय सदस्य जीतवहादुर गुरुङ, नेपाल पत्रकार महासंघ राष्ट्रिय परिषद सदस्य एवं रेडियो सराङकोटका समाचार प्रमुख कमल पौडेल अथक, कास्की अध्यक्ष विजय भण्डारी, निवर्तमान अध्यक्ष कुलदेबी वराल, गृह श्रमीक संघका निवर्तमान अध्यक्ष लालीमाया रेग्मी, उपाध्यक्ष कृष्णप्रसाद धोवी र सचिव लालप्रसाद ढकाल लगायतले वोलेका थिए । यसैगरी महानगरसमितिमा विष्णुप्रसाद अधिकारीको अध्यक्षतामा समिति गठन गरिएको छ । समितिको उपाध्यक्षमा चिन्तामणि पौडेल, महिला उपाध्यक्षमा विमला पौडेल, सचिवमा रुद्र रानाभाट, कोषाध्यक्षमा जीवन अलि रहेका छन् । सदस्यहरुमा मीनवहादुर गुरुङ, देउताकुमारी विष्ट र दीलिप गिरी चयन भएका छन् । नवनिर्वाचित समितिलाई अध्यक्ष रामप्रसाद कँडेलले सपथ खुवाएका थिए ।
खुलेको पोखरा

पोख्रेली जस्तै खुलेको छ पोखरा मन्द मन्द झुमेको छ पोखरा धेरै समय पछिको बर्षा पछि मौसम सफा भएको छ
आलु महोत्सवमा आमा समुहको साथ

हेमजा, ७ चैत्र यही चैत्र २६ गतेदेखि बैशाख ३ गतेसम्म हुन गइरहेको ११ औं राष्ट्रिय हेमजा आलु महोत्सव–२०७९ लाई हेमजाका आमा समूहले सक्दो सहयोग गर्ने भएका छन् । मूल आयोजक समितिले मंगलवार राखेको आमा समुहको भेलामा आलु महोत्सवले हेम्जालाई राष्ट्रिय तथा अन्तर्राष्ट्रिय स्थरमा चिनाउने गरेको पहल गर्ने कुरा राखिएका थिए । कामधेनु महिला कृषक समूहको प्रतिनिधित्व गर्दै पार्वती बानियाँ, तिब्रेकोट आमा समुहको उषा कुँवर , शृजनशिल मिलन आमा समूहको मिना कुँवर, सिद्धिविनायक आमा समुहको अध्यक्ष पार्बती थापा, राधा कृष्ण आमा समुहको प्रतिनिधित्व गर्दै सृजना सापकोटा, देविस्थान आमा समुहकी सदस्य बुद्ध कुवर, सृजनशिल आमा समुहको सचिब गीता बराल अधिकारी, लगायतले आफ्ना विचार प्रस्तुत गर्नुभएको थियो । भेलाले आलु महोत्सवमा हेमजा लगायत यस क्षेत्रका बासिन्दाको सहभागिता बढाउने निर्णय पनि गरेको छ। त्यस अवसरमा मूल आयोजक समिति संयोजक सुविन श्रेष्ठ, महासचिव वसन्तकुमार श्रेष्ठ, आमा समूह परिचालन उप समिति संयोजक उमा भुर्तेल पौडल , सांस्कृतिक उपसमिति संयोजक दान बहादुर थापा लगायतले सहजीकरण गर्नुभएको थियो । महोत्सव आकर्षणहरुमा आलु तथा ताजा तरकारीको प्रदर्शनी, आलुको पहाड, आलुका विभिन्न परिकार, विविध सांस्कृतिक कार्यक्रम, रत्यौली प्रतियोगिता ,कृषि कविता प्रस्तुति ,प्रदेशस्तरीय कृषि दोहोरी गीत प्रतियोगिता, कृषि झाँकी प्रतियोगिता, पप कन्सर्ट, हास्य कलाकारको प्रस्तुति, जापानीय सुन्तला, च्याउ, कफी, चियाको बिक्री एवम् प्रदर्शनी, कृषि बीउबिजन तथा अन्य कृषि यन्त्रको प्रदर्शनी लगायत रहेका छन्।
पोखरा स्पोर्टस् अवार्डलाई पुन परिवारको साथ

चैत ६ पोखरा । नेपाल खेलकुद पत्रकार मञ्च गण्डकीको आयोजनामा संचालन हुने सातौं संस्करणको पोखरा स्पोर्टस् अवार्ड–२०७९ लाई सफल पार्न पोखरा–१० रामबजार निवासी स्व। सेनानी हेमबहादुर पुनको स्मृतिमा उनको परिवारले सघाउने भएको छ । शुक्रबार अवार्ड अन्र्तगत ‘उत्कृष्ट खेल पत्रकारिता पुरस्कार’ शिर्षकमा प्रायोजना गर्ने गरि स्व।सेनानी पुन परिवार र मञ्चविच समझदारी पत्रमा हस्ताक्षर भएको छ । सो अवसरमा स्व। पुन परिवारको तर्फबाट नाति नविन पुन र मञ्चका अध्यक्ष दीननाथ बरालले सम्झौता पत्रमा हस्ताक्षर गरेका हुन् । उत्कृष्ट खेल पत्रकारिताको पुरस्कार राशी नगद ३५ हजार रुपैयाँ रहेको छ । सो कार्यक्रममा पुन परिवारका लोक पुन, उमेश पुन , मञ्चका सचिव शशी कुमार पौडेलको उपस्थिती रहेको थियो । मञ्चले आयोजना गर्ने उक्त अवार्डमा आफ्नो परिवारजनबाट निरन्तर रुपमा सहयोग गर्न पाएकोमा नेपाल सेभेन ए साइड फुटवल महासंघका केन्द्रिय अध्यक्ष समेत रहेका नविन पुनले खुःशी व्यक्त गरे । मञ्चका कार्यसमिति सदस्य समेत रहेका उमेश पुन स्व।सेनानी हेमबहादुरका नाति हुन् । पुन परिवारले स्पोर्टस् अवार्डमा हरेक वर्ष लगातार उक्त विधामा सहयोग गर्दै आएको छ । गण्डकी प्रदेशकै गौरव पोखरा स्पोर्टस् अवार्डमा विभिन्न ७ विधामा अवार्ड प्रदान गरिनेछ । आगामी वैशाख २३ मा पोखरा सभागृहमा गण्डकी प्रदेशस्तरको प्रतिनिधित्व हुने गरी मञ्चले ती विधामा अवार्ड प्रदान गर्नेछ । जसमा लाइफटाइम अचिभमेन्ट अवार्ड, वर्ष खेलाडी पुरुष, वर्ष खेलाडी महिला, उदियमान खेलाडी, उत्कृष्ट प्रशिक्षक, उत्कृष्ट खेल संघ, उत्कृष्ट खेल पत्रकारिता अवार्डमा नगदसहित अवार्ड वितरण गर्नेछ । मञ्चले अवार्ड कार्यक्रमको तयारीलाई तिव्रता दिएको छ । अवार्डलाई सफल बनाउन गण्डकी प्रदेश सरकार, प्रदेश खेलकुद परिषद गण्डकी, सहारा क्लव पोखरा लगायतले सघाउने छन् । यसका साथै अवार्डलाई सफल बनाउन विभिन्न संघसंस्थाका साथै व्यापारिक प्रतिष्ठानहरुबाट पनि सघाउने प्रतिवद्धता आइरहेको मञ्चका सचिव पौडेलको जानकारी दिए ।

Breaking News

Samaya Dristi

Best News Site from Nepal

Main Menu

himal

आहा कति राम्रो

1 year ago Samaya Dristi 0

हाम्रो बारेमा