तमु ह्युल छोंज धि गुरुङ राष्ट्रिय परिषद

चैत्र २० गते २०७९

तमु ह्युल छोंज धि गुरुङ राष्ट्रिय परिषद

तमु ह्युल छोंज धि गुरुङ राष्ट्रिय परिषद को राष्ट्रिय पार्षद सभाका केही झलकहरु
फोटो ः जय गुरुङ

गण्डकी प्रदेशका मुख्यमन्त्रीले आज विश्वासको मत लिँदै

Samaya Dristi 4 years ago

पोखरा, २९ पुस । गण्डकी प्रदेशका मुख्यममन्त्रीले आज विश्वासको मत लिँदैछन्। आज तीन बजे प्रदेश सभाको बैैठकमा मुख्यमन्त्री अधिकारीले विश्वासको मत लिने गण्डकी सरकारका प्रवक्ता सीता सुन्दासले जानकारी दिइन्।... Read More

अतिरिक्त जोखिम भक्ता नपाएको भन्दै मातृशिशु अस्पतालका स्वास्यकर्मी आन्दोलित

Samaya Dristi 6 years ago

कमल पौडेल अथकपोखरा २६, माघपोखरा महानगरपालिका १६ बाटुलेचौरमा अवस्थित मातृशिशु मितेरी अस्पतालमा कार्यरत स्वास्थ्यकर्मी तथा कर्मचारीहरु आइतवारदेखि आन्दोलित भएका छन् । कोरोनाको समयमा सरकारको निर्देशन अनुसार सवै अस्पतालहरुले अतिरिक्त... Read More

केन्द्रीय सुरक्षा समितिको बैठक बस्दै

Samaya Dristi 5 years ago

काठमाडौं, ११ पुष । गृहमन्त्री बालकृष्ण खाँणले केन्द्रीय सुरक्षा समितिको बैठक बोलाएका छन् । सिंहदरबारमा बोलाइएको बैठकमा आन्तरिक सुरक्षा परिस्थितिबारे छलफल हुने गृह मन्त्रालय स्रोतले बतायो । गृहमन्त्रीको अध्यक्षतामा... Read More

सरकारले आजदेखि भेरोसेल खोप लगाउने, क-कसले पाउँछन् ?

Samaya Dristi 5 years ago

काठमाडौं, ४ असोज । सरकारले आजदेखि ११ दिनसम्म कोरोनाविरूद्ध भेरोसेल खोपको पहिलो मात्रा लगाउने भएको छ । चीनबाट खरिद गरेर ल्याइएको ४४ लाख डोज भेरोसेल खोप सरकारले विभिन्न जिल्लाका... Read More

आजको खबर

दयाहाङ राई दर्शक भेट्न हलमा, ‘पेन्सन पट्टा’को माउथ पब्लिसिटीले थपियो शो

पोखरा । माओत्से गुरुङ निर्देशित नेपाली चलचित्र ‘पेन्सन पट्टा’ले पोखरामा आफ्नो दबदबा कायमै राखेको छ । प्रदर्शनको चौथो दिन सोमबार पनि पोखराका हलमा दर्शकको उत्साहजनक सहभागिता देखिएको छ । बढ्दो माउथ पब्लिसिटीसँगै चलचित्रका शोसमेत थपिएका छन् । पोखरा ट्रेडमलस्थित क्युएफएक्स, मिडटाउन सिनेमाज र श्रीकृष्ण चलचित्र मन्दिरमा ‘पेन्सन पट्टा’ हेर्न दर्शकको बाक्लो उपस्थिति रहेको छ । पोखरामा मंगलबारका शोसमेत थपिएका छन् । क्युएफएक्सले दैनिक ६ शो, मिडटाउन सिनेमाजले ५ शो र श्रीकृष्ण चलचित्र मन्दिरले ३ शो सञ्चालन गरिरहेका छन् । चलचित्रका सबै शो हाउसफुल रहेको निर्माण पक्षले जनाएको छ । सोमबार ‘पेन्सन पट्टा’का कलाकार दयाहाङ राई, पुस्कर गुरुङ, सोल गुरुङ, विश्वास गुरुङ, माया गुरुङ, मनिका गुरुङ, डिबी गुरुङ लगायतका कलाकार पोखराका विभिन्न हलमा पुगेर दर्शकसँग साक्षात्कार गरेका थिए । निर्देशक एवम् लेखक माओत्से गुरुङसहितको टोलीले दर्शकसँग चलचित्रको प्रतिक्रिया लिएको थियो । मिडटाउन सिनेमाज र पोखरा ट्रेडमलस्थित क्युएफएक्सका दुई शोमा पुगेर नायक दयाहाङ राईले दर्शकसँग प्रत्यक्ष साक्षात्कार गरे । दर्शकको प्रतिक्रिया लिँदै उनले आफूले व्यक्तिगत रूपमा सोचेको भन्दा पछिल्लो समय चलचित्रले राम्रो माया पाइरहेको बताए । रसुवाको बाढी र ग्यासको समस्याका कारण मनोरञ्जनका लागि हल पुग्ने दर्शकको संख्या कम हुनसक्ने आफूले सोचेको भए पनि त्यसो नभएको दयाहाङले उल्लेख गरे । चलचित्रमा आफूले निभाएको ‘राजन’ पात्रलाई दर्शकले आफ्नै परिवार वा सामाजिक परिवेशभित्रको पात्रका रूपमा पाएको उनको भनाइ छ । कलाकार पुस्कर गुरुङले ‘पेन्सन पट्टा’को माउथ पब्लिसिटी निकै सकारात्मक र बढ्दो रहेको बताए । पोखरा मात्र नभई काठमाडौंका हलमा समेत आफू पुग्दा दर्शकले दुई–दुई पटकसम्म चलचित्र हेर्न आएको उनले उल्लेख गरे । ‘हिजोभन्दा आज र आजभन्दा भोलि अझ धेरै पेन्सन पट्टाको माहोल बढ्दै गएको छ,’ पुस्करले भने । नायिका सोल गुरुङले पहिलो पटक दर्शकको प्रतिक्रिया लिन हलहलमा पुग्दा उत्साह थपिएको बताइन् । नेपाली चलचित्रप्रति दर्शकको आकर्षण बढ्दो देख्दा खुशी लागेको उनको भनाइ छ । निर्देशक माओत्से गुरुङले पोखरा मात्र नभई बुटवल, चितवन, लमजुङ, तनहुँ, झापा र काठमाडौंका केही स्थानमा समेत चलचित्रले राम्रो दर्शक सहभागिता पाइरहेको बताए । चलचित्र हेर्ने दर्शकले सकारात्मक प्रतिक्रिया दिएको र फिल्म समीक्षकबाट समेत सौहार्दपूर्ण समीक्षा आएकाले पछिल्लो समय दर्शक हलमा पुगिरहेको उनले उल्लेख गरे । ‘रिलिजको तेस्रो दिनसम्म काठमाडौंमा दर्शकको कमी थियो । तर चौथो दिन सोमबारबाट काठमाडौंमा समेत दर्शकको भीड बढ्दो छ,’ माओत्सेले भने । काठमाडौंका विभिन्न मल्टिप्लेक्समा चलचित्रलाई समय उपलब्ध गराइएको र ती हलमा दर्शकको उपस्थिति राम्रो रहेको उनको भनाइ छ । कास्कीको ताङतिङ र त्यसैको सेरोफेरोमा आधारित ‘पेन्सन पट्टा’ सामाजिक यथार्थवादी कथामा निर्माण भएको चलचित्र हो । परिवार, प्रेम, त्याग, समर्पण र लाहुरे परिवेशको कथाले दर्शकलाई आफ्नै जीवन र सामाजिक परिवेशसँग जोडेको निर्माण पक्षको भनाइ छ । चलचित्र हेर्न परिवार नै बोकेर हल पुग्ने दर्शकको संख्या बढ्दो रहेको छ । कतिपय दर्शकले पाँच पटकसम्म चलचित्र हेरेको समेत निर्माण पक्षले जनाएको छ । लाहुरे परिवेशको कथा भएकाले भूपू सैनिक तथा लाहुरेका परिवारले समेत चलचित्रलाई विशेष माया दिइरहेका छन् । गुरुङ समुदायका मात्र नभई विभिन्न समुदायका दर्शक हलमा उपस्थित भइरहेका छन् । दर्शकको बाक्लो उपस्थितिसँगै पोखराका हलले मंगलबारका शोसमेत बढाएका छन् । बढ्दो माउथ पब्लिसिटी र दर्शकको सकारात्मक प्रतिक्रियाले ‘पेन्सन पट्टा’को प्रदर्शन यात्रा थप उत्साहजनक बन्दै गएको छ । माओत्से गुरुङ फिल्मस ब्यानरमा निर्माण भएको चलचित्रमा दयाहाङ राई, गौमाया गुरुङ, पशुपति राई, विल्सन विक्रम राई, बुद्धि तामाङ, स्वर्गीय सुनिल थापा, माया गुरुङ, विश्वास गुरुङ, प्रतिक्षा गुरुङ, डिबी गुरुङ, मनिका गुरुङ, सोल गुरुङ, सुरज तमु लगायतका कलाकारको अभिनय रहेको छ । दर्शकको माया, हलमा बढ्दो भीड र थपिँदै गरेका शोले ‘पेन्सन पट्टा’को चर्चा चुलिँदै गएको छ ।
आज कुशे औंशी बुवाको मुख हेर्ने दिन

वैदिक सनातन हिन्दू संस्कारमा कुश एउटा अत्यन्त महत्वपूर्ण सांस्कृतिक र धार्मीक भूमिका भएको पवित्र वनस्पती हो जसको वैज्ञानीक महत्व पनि प्रमाणीत भइसकेको छ । वैज्ञानीक भाषामा Eragrostis cynosuroides भनिने कुश एउटा धार्मिक आस्था बोकेको धारीलो घाँस हो । नेपालको तराईदेखि पहाडसम्म सहजै पाइने वनस्पती कुशको जराबाट बिभिन्न प्रकारका औषधीहरु पनि बनाइन्छ । कुश वैदिक सनातन संस्कारको देवकर्म र पितृकर्म दुबैमा अनिवार्य वनस्पती हो । कुशको महिमालाई श्रीमद्भागवत् गीता, गरुँड पुराण, यथर्व वेद र विष्णु पुराणमासमेत वर्णन गरिएको छ । एउटा वैज्ञानिक प्रयोगका क्रममा एकमुठ्ठि कुशलाई बिकिरणहरु माझमा राख्दा कुशले सम्पूर्ण बिकिरणहरुलाई आफूबाट परिवर्तित गरेको पाइयो । यसप्रकारले सनातन संस्कारमा कुशको सदासर्वदा प्रयोगले प्राचीन विज्ञानको अभिलेख र प्रभावकारी व्यबहारीक जीवनशैली प्रस्तुत गरेको छ । वैज्ञानिकरुपमै सिद्ध यस अदभूत् कुशबाट बनेका औंठीहरु र अन्य सांस्कृतिक प्रयोगमा पीढि दर पीढि हिन्दू धर्मले सामान्य जीवनमा समेत प्रयोग गर्न सबैलाई प्रोत्साहीत गर्दछ । दाहिने हातको औंलामा कुशलार्इ औंठीका रुपमा प्रयोग गर्दा वातावरणमा भएका गतल तरङ्ग र विकिरणहरुलाई निस्तेज गर्ने विश्वाश र विज्ञानतः प्रमाणीत सिद्धान्तहरुले स्पष्ट पार्छन् । कुशे औँसीलाई बुबाको मुख हेर्ने औँसी पनि भनिन्छ । आमाको मुख हेर्ने दिनमा आमाको सम्झना गरियो । गुरु पूर्णिमामा गुरुको सम्झना गरियो भने आजको दिन पिताको सम्मान, सम्झना अनि विशेष समर्पण गर्ने दिन । जुनसुकै धर्म या सम्प्रदायका भए पनि बुबाको हात समातेर तोते बोली बोल्दै लरबराएका पाइला चाल्न सिकेको हामीमध्ये धेरै छौँ । त्यसरी ताते–ताते गरेर हिँड्न सिकाउने, हाम्रो जीवन सजाउन दिन–रात अहोरात्र खटेर हामीलाई कर्म दिने अनि सुरक्षा दिने बुबा । सायद, शब्दले व्याख्या गर्न सकिन्न । तिनै बुबाहरूको बुढेसकालको बलियो लाठी बन्न हामीमध्ये धेरैले कडा परिश्रम पनि गरिरहेका छौँ होला ! जे होस् आमा–बुबा नै यस जगतका देख्न सकिने भगवान् हुन् । आजका दिन पृथ्वी लोकका सम्पूर्ण पिताहरूलाई स्मृति गर्दै कोटी–कोटी नमन गरौँ । ‘यी छोराछोरी बढ्लान् । कमाई गर्लान् र दूध भात देलान् मलाई’ भनेर हरेक आमा–बाबुले आफ्ना छोराछोरीसँग अपेक्षा राखेका हुन्छन् । सानामा आफूले थाङ्ना धोएर, को खाई को खाई गरेर खुवाएर, रुँदा फकाएर, माया गरेर हुर्काएको छोराछोरीहरूले पछि हुर्किएर आफूलाई दूध भात अर्थात् मिठो पोसिलो खानेकुरा देलान् र माया गरेर राख्लान् भन्ने आशा हुन्छ । हाम्रो संस्कारले हाम्रो जिम्मेवारीलाई एकदमै सहज र सरल तरिकाले व्याख्या गरिदिएको छ । हाम्रो माता–पिताप्रतिको जिम्मेवारी हामीले उहाँहरूको हामीप्रतिको लगाव र प्रेमले झन् प्रगाढ बनाउँछ । आजको दिन पिताको भौतिक उपस्थिति हुने छोराछोरीले उनको मुख हेरेर मिठाई, फलफूल, कपडा आदि उपहार दिने र परदेशमा हुने छोराछोरीले फोनबाटै पनि कुरा गर्छन् भने भौतिक रूपमा अस्त भइसकेका पिताहरूलाई छोराछोरीहरूले तस्बिर हेरेर अथवा विभिन्न धार्मिक पीठ, देवालय जस्तै: गोकर्णेश्वर महादेव, रसुवाको बेत्रावती, तनहुँको देवघाट, विष्णु पादुका तथा सुनसरीको वराहक्षेत्र लगायतका पवित्र तीर्थस्थल पुगेर स्थान गरी पितृहरूको नाममा श्राद्ध गरी तर्पण दिई सीधा दान गरी आध्यात्मिक चिन्तनबाट समेत सम्झना गर्ने गर्छन् ।
युवा उद्यमी आदित्य पोखरेललाई डागर स्मृति पुरस्कार

डागर स्मृति पुरस्कार–२०८३ बाट युवा उद्यमी आदित्य पोखरेल पुरस्कृत हुने भएका छन् । समाजसेवी तथा पुस्तक व्यवसायी राजन पराशर डागरको स्मृतिमा स्थापित उक्त पुरस्कार यो वर्ष आशीर्वाद पुस्तक पसलका युवा उद्यमी आदित्य पोखरेललाई अर्पण गर्न लागिएको हो । २० हजार नगद राशिसहितको पुरस्कार राजन पराशर डागरको २५ औं स्मृतिमा बीच यही भाद्र ३१ गते ऋषिपञ्चमी तिथिमा अमृत कक्षमा आयोजना हुने समारोह बीच अर्पण गरिने प्रतिष्ठानकी संस्थापक रमा पराशर बताउँछिन् । उक्त पुरस्कारबाट समाजसेवी विश्वमोहन गौचन, हरिश्चन्द्र शर्मा, सोनाम साङ्पो, रामबहादुर पौडेल, गोविन्दराज पहारी, साहित्यकार आर.एम. डंगोल, भीम रानाभाट, सुमलकुमार गुरुङ, समाजसेवा तथा संस्कृति सेवातर्फ मानव सेवा आश्रम, हिमाली सांस्कृतिक परिवारसमेत पुरस्कृत भइसकेका संस्थाकी उपाध्यक्ष सरिता तिम्सिना पगेनीले जानकारी दिइन् । पछिल्लो समय संस्थाले युवा पुस्तालाई प्रोेत्साहित गर्ने क्रममा राष्ट्रसेवक चन्द्रा गुरुङ, युवा वैज्ञानिक मनिषा द्वा, स्वास्थ्यसेवी डा तुलिका दुवे, युवा पाइलट दीक्षान्तजंग राणा, युवा उद्यमी भाष्कर उपाध्याय, राहुल उपाध्याय पुरस्कृत भइसकेको प्रतिष्ठानका परिकल्पनाकार दीपेन्द्र श्रेष्ठले जानकारी दिए । संस्थाका अध्यक्ष बिन्दु श्रेष्ठको अध्यक्षतामा सम्पन्न बैठकले सर्वसम्मत उक्त निर्णय गर्दै संस्थालाई सहयोग गर्ने शुभेच्छुक, आजीवन सदस्यप्रति कृतज्ञता ज्ञापनसमेत गरेको छ । को हुन् आदित्य पोखरेल ? बुवा कृष्ण पोखरेल र आमा मीरा पौडेल पोखरेलका कोखबाट २०६५ असोज १ गतेका दिन जन्मेका आदित्य पोखरेल पोखराको मदरल्याण्ड स्कुलबाट ए प्लस ग्रेडका साथ प्रवेशिका परीक्षा उत्तीर्ण गर्ने मेधावी छात्र हुन् । प्रतिभा मा.वि.मा व्यवस्थापन सङ्कायबाट ए प्लस ग्रेडकै साथ ११+२ पूरा गरेका आदित्य हाल नदीपुरस्थित पोखरा कलेज अफ म्यानेजमेन्टमा स्नातक दोस्रो सेमेष्टरमा अध्ययनरत छन् । सात कक्षा अध्ययनदेखि उनी व्यवसायमा संलग्न रहेर सहयोग गर्दै आएको आमा मीरा पौडेल पोखरेल बताउँछिन् । व्यवसाय प्रवद्धनमा सहयोग पु¥याउँदै विभिन्न सामाजिक तथा व्यवसायिक संघसंस्थामा संलग्न रहँदै आएकी मीराको व्यक्तित्वले पनि आदित्यलाई यस क्षेत्रमा लाग्न प्रेरित गरेको देखिन्छ । आदित्य खेलकुद विधातर्फ बास्केटबल तथा क्रिकेटका सौखिन पनि छन् । उनले इन्टरकलेज क्रिकेट प्रतियोगिता, कलेजस्तरीय बास्केटबल प्रतियोगितामा विभिन्न पदक तथा उपाधिसमेत हात पारिसकेका छन् । खेलकुद, अध्ययनसँगै व्यवसायमा हात हालेका आदित्य विगत चार वर्षदेखि आशीर्वाद पुस्तक पसललाई पूर्ण रूपमा कुशलतापूर्वक सञ्चालन गर्दै आएर पछिल्लो पुस्ताका लागि युवा इन्टरपेनर रूपमा देखिएका छन् । पोखराको महेन्द्रपुलमा २०६५ सालदेखि सञ्चालन हुँदै आएको आशीर्वाद पुस्तक पसलमा विद्यालयतहदेखि विश्वविद्यालय तथा विभिन्न सेवा आयोगका तथा साहित्यिक पुस्तक प्राप्त गर्न सकिन्छ । विभिन्न कम्पनीको डिलरका रूपमासमेत रहेको उक्त पसल हाल चार करोडको लागतमा सञ्चालित छ । जहाँ १० जनाले रोजगारी प्राप्त गरी आफ्नो जिन्दगीको नौकासमेत खियाइरहेका छन् । यसरी १८ वर्षकै उमेरमा व्यवसायमा लाग्न प्रेरित गर्ने पुस्तक व्यवसायी कृष्ण पोखरेलको जीवनयात्राले पनि आदित्यलाई व्यवसायमा लाग्न प्रेरित गरिरहेको देखिन्छ । पुतलीबजार–४, स्याङ्जा पुख्र्यौली थलो रहेका कृष्ण पोखरेलले २०५२ सालदेखि एमटुएम पुस्तक पसलबाट व्यवसायिक यात्रा शुरु गरेका थिए । पोखराको बगरमा विन्ध्यवासिनी कोचिङ सेन्टर, एमटुएम होस्टेल, गेटवे कोचिङ सेन्टर सञ्चालन गर्दै जाँदा कान्छा सुपुत्रकारुपमा आदित्यको जन्मसँगै उनले आशीवार्द पुस्तक पसल सञ्चालन गरे । वैदिक सनातन संस्कारमा आस्था राख्ने परिवार भएकाले होला उनलाई भगवान्को आशीर्वाद नै प्राप्त भयो, त्यसपछिका दिनमा अरु व्यवसायमा मन डुलाउन परेन । कृष्णका दुई छोरामध्येका ठूला छोरा अभिषेक पोखरेल भने मणिपाल कलेजमा एमबीबीएस दोस्रो वर्षमा अध्ययनरत छन् । कान्छा आदित्य, जो डागरजीको प्रेरणाबाट पुस्तक व्यवसायप्रति उत्प्रेरित भएको उनी बताउँछन् । छोरा हुन् त आदित्य पोखरेल जस्ता हुन, जसले नयाँ र फरक व्यावसायिक सोचका साथ जोखिम उठाउने क्षमता निर्माण गरेर आइपरेका समस्या समाधान गर्दै नेतृत्वदायी र व्यवस्थापन सीप आर्जन गरेर जीवनयात्रालाई अगाडि बढाएर युवा इन्टरपेनरका रूपमा आफूलाई स्थापित गराउँदै आएका छन् । हरेक बाबुलाई बाबुको मुख हेर्ने दिन यस्तै खुसी दिन सकून् । राष्ट्रियताको भावले ओतप्रोत भएर आफ्नै देशमा व्यावसायिक सफलता प्राप्तिका लागि लगनशीलताको बीज रोप्दै अगाडि बढेका आदित्यको बाँकी जीवनको थप सफलताको शुभेच्छासहित पुरस्कृत हुन लाग्नु भएकोमा हार्दिक बधाई !
पोखरा फोटोग्राफर संघले गर्यो श्रद्धाञ्जली सभा

२२ भदौ २०८३, पोखरा । भोटेकोशी नदीमा आएको विनाशकारी बाढीबाट भएको मानवीय तथा भौतिक क्षतिप्रति पोखरा फोटोग्राफर संघले गहिरो दुःख व्यक्त गर्दै दिवंगतप्रति श्रद्धाञ्जली तथा विपदमा परेका परिवारप्रति सहानुभुति जनाएको छ । कार्यक्रममा संघका पदाधिकारी तथा सदस्यहरूका साथै संस्थापक, संरक्षक, पूर्वअध्यक्षहरु, , अक्षयकोषदाता, आजीवन तथा साधारण सदस्य, महिला उपसमितिका पूर्वसंयोजक र संघका शुभेच्छुकहरूको सहभागिता रहेको थियो । दीप प्रज्वलन तथा शोकसभा पोखरा महानगरपालिका–४ स्थित मानव अधिकार चोकमा आयोजना गरिएको थियो । भोटेकोशी नदीमा आएको बाढीले विभिन्न क्षेत्रमा ठूलो जनधनको क्षति पु¥याएको घटनाले मुलुकभर गहिरो पीडा र चिन्ता उत्पन्न गरेको छ । प्राकृतिक विपत्तिका कारण आफ्ना आफन्त गुमाएका परिवार, घरबार तथा सम्पत्ति गुमाएका नागरिक र विस्थापित समुदाय अहिले कठिन परिस्थितिको सामना गरिरहेका छन्। यस्तो अवस्थामा पीडितको दुःखमा साथ दिनु र मानवीय संवेदना प्रकट गर्नु सबैको साझा दायित्व भएको संघकी नवनिर्वाचित अध्यक्ष नन्दकला पौडेलले बताईन । संघले विपत्तिमा परेका नागरिकप्रति संवेदना व्यक्त गर्ने र राहत अभियानमा आफ्नो तर्फबाट योगदान गर्ने अवसरका रूपमा उपयोग गरेको जनाएको छ । प्राकृतिक विपत्तिका बेला समाजका विभिन्न क्षेत्र, संघसंस्था, व्यवसायी तथा नागरिक एकजुट भएर पीडितको साथमा उभिनुपर्ने आवश्यकता रहेको संघको भनाइ छ। संघका सदस्यहरूबाट संकलन गरिएको रकम प्रधानमन्त्री दैवी प्रकोप राहत कोषमा जम्मा गरिने संघका कोषाध्यक्ष राजु प्रसाद तिमिल्सीनाले जानाकारी गराए ।

Breaking News

Samaya Dristi

Best News Site from Nepal

Main Menu