Breaking News

Samaya Dristi

Best News Site from Nepal

युनिकोड

आजको खबर

आहा रारा पोखरा गोल्डकपमा सहाराको विजयी सुरुवात

२५औँ संस्करणको आहा रारा पोखरा गोल्डकप फुटबल प्रतियोगिता मंगलबार पोखरा रंगशालामा औपचारिक रूपमा सुरु भएको छ । पोखरामा पहिलो पटक फ्लडलाइटमा आयोजना गरिएको प्रतियोगिताको उद्घाटन खेलमा आयोजक सहारा क्लब पोखराले विजयी सुरुवात गरेको छ । उद्घाटन खेलमा पाहुना टोली गोर्खा इन्टरनेशनल हङकङलाई १–० गोलले पराजित गर्दै सहाराले दोस्रो चरणमा स्थान बनाएको हो । सहाराको जितका लागि प्रसन्न श्रेष्ठले खेलको दोस्रो हाफको अतिरिक्त समयको तेस्रो मिनेटमा निर्णायक गोल गरेका थिए । निर्णायक गोलसँगै प्रसन्न श्रेष्ठ ‘म्यान अफ दि म्याच’ घोषित भए । अब सहारा क्लबले शनिबार नेपाल पुलिस क्लबसँग प्रतिस्पर्धा गर्नेछ । यसअघि प्रतियोगिताको उद्घाटन समारोहमा नेपाली महिला राष्ट्रिय फुटबल टोलीकी खेलाडी प्रिती राईलाई वर्ष उत्कृष्ट खेलाडी सम्मान बाट सम्मान गरिएको थियो । उनलाई नगद ३५ हजार रुपैयाँ, सम्मान पत्र तथा दोसल्ला प्रदान गरिएको थियो । सम्मान पोखरा महानगरपालिकाका प्रमुख धनराज आचार्य र पुरस्कारका प्रायोजक खेमबहादुर गुरुङले संयुक्त रूपमा प्रदान गरेका हुन् । सम्मान कार्यक्रमलाई सम्बोधन गर्दै मेयर आचार्यले पोखरालाई खेलकुदको ‘हब’ का रूपमा विकास गर्न महानगर प्रतिबद्ध रहेको बताए । उनले भगिनी सम्बन्ध रहेका विभिन्न देशका शहरहरूसँग मैत्रीपूर्ण फुटबल प्रतियोगिता आयोजना गर्ने योजना सार्वजनिक गर्दै पोखरा रंगशालामा फ्लडलाइट जडानका लागि महानगरले सहयोग गर्ने प्रतिबद्धता जनाए । कार्यक्रममा हिमश्री फुड्सका निर्देशक प्रकाश केसीले आहा रारा पोखरा गोल्डकपले रजत जयन्ती मनाउनु सबैका लागि गर्वको विषय भएको उल्लेख गर्दै गोल्डकप तथा एकेडेमी सञ्चालनमा आफ्नो निरन्तर सहयोग रहने प्रतिवद्धता व्यक्त गरे । उक्त अवसरमा आहा रारा पोखरा गोल्डकपलाई विभिन्न रूपमा सहयोग पुर्‍याउने २५ जना व्यक्ति तथा संघ–संस्थालाई विशेष सम्मानसमेत गरिएको थियो ।
सम जयन्तीमा सन्तति लोकार्पण

२४ माघ, पोखरा । पोखरामा नाट्यसम्राट बालकृष्ण समको जन्मजयन्ती मनाइएको छ । जरोटुप्पो संरक्षण साहित्य समाज नेपालद्वारा साहित्यकार डा. पुष्पा के.सी. भण्डारीको लघुकथा कृति सन्तति लोकार्पण, रचनावाचन तथा सम विमर्शसहित १२४ औं जन्मजयन्ती मनाइएको हो । कृतिको पोखरा रत्न हरिदेवी कोइराला, नेपाल प्रज्ञा–प्रतिष्ठानका प्राज्ञ सदस्य नारायण मरासिनी, गण्डकी प्रेस रजिष्ट्रार विमला भण्डारी, गण्डकी प्रज्ञा–प्रतिष्ठानका कुलपति सूर्य खड्का बिखर्ची, हाम्रो लघुकथा केन्द्रकी गण्डकी संयोजक शुभ शर्मा र डा नारायणप्रसाद अधिकारीले एक साथ लोकार्पण गरे । लोकगायिका हरिदेवी कोइरालाले भण्डारीको बहुआयामिक व्यक्तित्वबारे प्रकाश पार्दै लघुकथा कृति प्रकाशन सन्दर्भमा नारी प्रतिभाको उपस्थिति पातलो रहेको अवस्थामा पुष्पाको लेखन सबैका लागि प्रेरणादायी रहेको धारणा राखिन् । नेपाल प्रज्ञा–प्रतिष्ठानका प्राज्ञ सदस्य नारायण मरासिनीले पुष्पाको लघुकथा कृति पहिलो भए तापनि उनको लघुकथा लेखन पर्याप्त सम्भावनाले भरिएको बताउँदै उनका कथामा वर्तमान यथार्थ अभिव्यक्त भएर आएको धारणा राखे । प्रेस रजिष्ट्रारको कार्यालय गण्डकीका प्रेस रजिष्ट्रार विमला भण्डारीले डा. पुष्पा के.सी. भण्डारीका विविध आयामबारे दुई दशकदेखि सञ्चार र समाजसेवाका कर्ममा लाग्दै जाँदा आफूले गरेका अनुभूतिको स्मरण गरिन् । गण्डकी प्रज्ञा–प्रतिष्ठानका कुलपति सूर्य खड्का बिखर्चीले समको व्यक्तित्वबारे प्रकाश पार्दै सबैप्रति समभाव राख्ने समको योगदानको स्मरण राज्यद्वारा हुन नसकेकामा चिन्ता व्यक्त गरे । राज्यका लागि रोजगारी र आयआर्जनका बाटा बन्न सक्ने सम्भावनायुक्त स्रष्टा साधकप्रति राज्य मौन रहनु दुखद् सन्दर्भ रहेको बताए । इन्द्र–हुमा वाङ्मय पुरस्कार कोषका संस्थापक सविन जिसीले इन्द्र–हुमा पुरस्कारबाट पुरस्कृत स्रष्टाको कृति सोही संस्थाको आयोजनामा लोकार्पण गर्न पाउँदा गौरवबोध लागेको धारणा व्यक्त गरे । हाम्रो लघुकथा केन्द्रकी गण्डकी संयोजक शुभ शर्माले भण्डारीको लघुकथा लेखनको पाठशाला नै अहिलेको लघुकथा केन्द्र रहेको स्मरण गरिन् । कार्यक्रममा सिर्जना साहित्य सदनका अध्यक्ष शिवप्रसाद पोखरेल, नारी प्रतिभा वाङ्मय प्रतिष्ठानकी अध्यक्ष छन्दिका त्रिपाठी, हेमजा साहित्य प्रतिष्ठानका उपाध्यक्ष छन्दमणि त्रिपाठी, ओम शिवशक्ति कल्याणी आश्रमकी व्यवस्थापक भगवती खत्रीले डा. पुष्पा केसी भण्डारीका साहित्यिक, सामाजिक, धार्मिक विविध आयामबारे चर्चा गरेका थिए । कार्यक्रममा निवृत्त शिक्षक समाजका अध्यक्ष छविलाल आचार्य, लघुकथा प्रतिष्ठानका सचिव विष्णु बास्तोला, भानु वाङ्मय प्रतिष्ठानका सचिव अम्बिकाप्रसाद भट्टराई, सिर्जना साहित्य सदनका सल्लाहकार एकदत्त लम्साल, गीताञ्जली साहित्य परिवारका उपाध्यक्ष ढुण्डीराज ज्ञवाली अभियानलगायतले सम र स्रष्टाका रचना वाचन गरेका थिए । डा.नारायणप्रसाद अधिकारीको अध्यक्षतामा सम्पन्न कार्यक्रमको सञ्चालन साहित्यकार असफल गौतमले गरेका थिए ।
कैलाशद्वारा माहासंघमा निर्वाचितहरुलाई बधाई तथा सम्मान

पोखरा, १७ माघ कैलाश बचत तथा ऋण सहकारी संस्थाले आफ्ना सदस्यहरुलाई हालै सम्पन्न नेपाल फोटोग्राफर महासंघमा निर्वाचित पदाधिकारी तथा सदस्यहरुलाई एक कार्यक्रमका विच बधाई तथा सम्मान गरेको छ । कैलाश बचत तथा ऋण सहकारी संस्थाल आयोजना गरेको पारिवारिक बनभोज तथा अन्तरक्रिया कार्यक्रमको अवसर पारेर उक्त सम्मान गरेको हो । कैलाश बचत तथा ऋण सहकारी संस्थाका पुर्व अध्यक्ष तथा सल्लाहकार दुर्गा प्रसाद पौडेल केन्द्रिय उपाध्यक्ष, तुलसीराम सुवेदी सचिव , पुर्व अध्यक्ष तथा सल्लाहकार जीवन ढुङ्गाना कोषाध्यक्ष,विजय जैसी सह–कोषाध्यक्ष,घनश्याम पौडेल,राममणि पौडेल,गुरु प्रसाद तिवारी,रविनाथ दाहाल,रामचन्द्र पोख्रेल,नारयण प्रसाद गौतम,सुरेशराज रेग्मी केन्द्रिय सदस्यमा र पोखरा फोटोग्राफर संघका अध्यक्ष भक्त तामाङ पदेन केन्द्रिय सदस्यमा फोटोग्राफर संघ गण्डकी का अध्यक्ष पदेन सचिवालय सदस्यमा निर्विरोध निर्वाचित भएका थिए ।कैलाश बचत तथा ऋण सहकारी संस्थाका अध्यक्ष खडानन्द अधिकारीको अध्यक्षतामा भएको कार्यक्रममा कार्यसमिति सदस्य पुर्णकुमारी थापाले सहकारीका सात सिद्धान्त वाचन, उपाध्यक्ष विनोद ढकालले स्वागत गरेका थिए । कार्यक्रमको संचालन संस्थाका सचिव बिष्णुहरी अधिकारीले गरेका थिए । पोखरा र पोखरा आसपार छरिएर रहेका फोटोग्राफर हरु द्वारा संचालित कैलाश बचत तथा ऋण सहकारी संस्थाले सदस्यहरुका विच पारिवारिक बनभोज आयोजना गरेको थियो । कार्यक्रममा फोटो कन्सर्न काडमाडौं का सिइओ दिनेश अर्याल लक्की ग्रुप प्रा.ली का ईश्वर श्रेष्ठ र नेपाल फोटोग्राफर महासंघका उपाध्यक्ष दुर्गा प्रसाद पौडेल ले आ आफ्नो भनाई राखेका थिए। २०६८ सालमा स्थापना भएको सहकारीमा हाल सम्म १९५ शेयर सदस्य रहेका छन । संस्थाको शेयर पुंजी रु ३ करोड १० लाख २५ हजार बचत रु १० करोड ४५ लाख र ऋण लगानी ९ करोड ६४ लाख रहेको छ संस्थाले फोटो फ्रेम उद्योग तथा फोटोग्राफरहरुलाई आवश्यक पर्ने सबैखाले सेवा उपलब्ध गर्दै आएको छ । संस्थाले फोटोग्राफरहरुका लागी कलर ल्याव फोटो प्रिन्ट,फ्लेक्स प्रिन्ट मायाको चिनो, फोटो फ्रेमहरु,ब्यानर,फोटोग्राफी सामानहरु र बिभिन्न समयमा फोग्राफर हरुको शिप र दक्षता बृद्धिका लागी बिभिन्न कार्यक्रमहरु संचालन गर्दै आएको छ ।
आज बिश्व सिमसार दिवस (फोटो फिचर)

विश्व रामसार सूचीमा नेपालका १० वटा सिमसार दर्ता भएका छन् । कैलालीको घोडाघोडी ताल, रारा ताल, कोश टप्पु वन्यजन्तु आरक्ष, बीसहजारी ताल, जगदीशपुर जलाशय, से फोक्सुन्डो ताल, माई पोखरी अनि पोखरा नगरीका नौ वटै तालहरू सिमसार क्षेत्रका जाज्वल्यमान दृष्टान्त हुन् । हाम्रै पुराना अध्ययनहरूले नेपालमा ठुला–साना गरी ४ हजार नजिक सिमसार क्षेत्र छन् । यी महत्त्वपूर्ण सिमसारको विश्व स्तरमै संरक्षण गर्न सन् १९७१ मा जल पन्छीको वासस्थानसम्बन्धी सिमसार ९राम सार० महासन्धि भएको थियो । यो महासन्धिमा १६९ देशहरू सामेल भएका छन् । नेपाल भने औपचारिक रूपमा सन् १९७१ मा उक्त महासन्धिको सदस्य भएको हो । हाम्रै वरपर अनि परिवेशभित्र रहेका कति सिमसार क्षेत्रहरूमा घर या कारखाना खोलिए होलान् रु प्लटिङ गरेर जग्गा तयार गरिँदै होलान् या अन्य प्रयोजनमा अतिक्रमण भए होलान् रु वास्तवमा भन्ने हो भने मानवीय विकास क्रम अनि पूर्वाधारहरूको अविवेकी विकास क्रमले नेपालमा सिमसार क्षेत्र नासिने दुष्चक्रमा परेका छन् । यस्ता सिमसार क्षेत्र हेर्दा अत्यन्त ओसिलो र दलदल भएकाले उत्तिकै मनमोहक र सुलभ नदेखिन सक्छन् । यस्तै सिमसार क्षेत्रहरूका जीवहरू, वनस्पति एवं माटोको संरचनाले पृथ्वीको फोहोर पानी र मिसिएका रसायनहरूलाई छानेर सफा र स्वच्छ बनाइदिने भएकाले यी क्षेत्रहरूलाई पृथ्वीको मिर्गौला पनि भनिन्छ । मिर्गौलाकै राम्रो संरक्षण गर्न नसकेमा पृथ्वी अनि यसमा बस्ने हाम्रो अस्तित्व कत्तिको सहज हुन्छ । विचार गरौँ । सिमसार क्षेत्र पर्यावरण, औषधि र कन्दमूलमा उपयोगी मानिन्छन् । अझ सिमसार क्षेत्रमा बच्चा कोरल्न रुसको साईबेरियादेखि चराहरु आइपुग्छन् भन्ने अध्ययनहरूले देखाएको छ । त्यसअतिरिक्त सरकारले ‘सिमसार बुद्धिमत्तापूर्ण’ ढङ्गले प्रयोग गर्ने नीति सार्वजनिक गरिसकेको छ । सरकारी नीतिअनुरूप, मानव जातिको हितका लागि पारिस्थितिक प्रणालीका प्राकृतिक सम्पदाको जगेर्ना गर्न सिमसारको बुद्धिमत्तापूर्ण र दिगो प्रयोग गर्नुपर्दा राम सारमा सूचीकृत वा अन्य सिमसार क्षेत्रहरूको संरक्षण र व्यवस्थापन बुद्धिमत्तापूर्ण प्रयोग गर्नै तौर तरिका लागू हुनेछ । सिमसारमा आश्रित सङ्कटापन्न जीवजन्तु, जलचर, सापेक्षिक जङ्गली जनावर तथा अन्य जल आश्रित आनुवंशिक स्रोतको संरक्षण गरिनेछ । पृथ्वीका धेरैजसो सिमसार क्षेत्रहरू लोप हुने क्रममा छ । यस्ता अधिकांश सिमसार क्षेत्रहरू एसियामा पर्छन् । नेपालले पनि सिमसार क्षेत्रको महत्त्व आत्मसात् गर्दै २०५९ सालमा जारी गरेको सिमसार संरक्षण नीतिलाई २०६९ सालमा परिमार्जन र स्वीकृति दियो । त्यसमा सिमसार र त्यसको वरपर स्रोत संरक्षण गर्न ‘सिमसार कोष’ स्थापना गर्ने नीति पनि अघि सारेको थियो । नीतिअनुरूप राष्ट्रिय स्तरमा समन्वय गर्न सचिव स्तरमै कार्यदल व्यवस्था पनि छ । तथापि सिमसार क्षेत्रहरू जोखिममै छन् । पोखराका तालहरूलाई नै उदाहरणमा लिउ, हरेक वर्ष ताल खुम्चिँदै अनि बस्ती बढ्दै गइरहेको छ । ताल–किनारमा होटेल–घर निर्माणको क्रम बाक्लिँदो छ । त्यसरी अन्यत्र पनि भू–अतिक्रमण बढ्दै गइरहेको छ । त्यस कारण सिमसार क्षेत्र जोखिम परेका छन् । सिमसार क्षेत्र वरिपरि पूर्वाधार खडा गर्ने काममा सरकारले कडाइ गर्न सकेको पाइँदैन । त्यसअतिरिक्त सिमसार सुकाउने गरी अत्यधिक मात्रामा भूमिगत पानीको दोहन गर्ने कार्य पनि बढ्दै गएको छ । अतिक्रमणले गर्दा बर्सेनि सिमसार क्षेत्र घट्दै गएका छन् । आउँदो पुस्तालाई एउटा सफा अनि सुरक्षित संसार दिएर जानु हाम्रो कर्तव्य हैन र रु कानुनको दायरा फराकिलो पार्दै यस्ता दोहन कार्यमा संलग्नहरूलाई कानुनी सजायको दायरामा ल्याउन जरुरी छ । पृथ्वीको संरक्षण जरुरी छ, नत्र मानव समुदायको अस्तित्व सङ्कटमा छ । तपाई–हामी आफै सिमसार क्षेत्रको संरक्षण गर्न अघि बढ्न जरुरी छ

Breaking News

Samaya Dristi

Best News Site from Nepal

Main Menu

युनिकोड

हाम्रो बारेमा